Recent Posts

Sahifa: [1] 2 3 ... 10
1
Fikr va Mulohaza / Ezgulikka chorlayver, Navro‘z!
« Oxirgi javob muallifi Zubayda on March 16, 2017, 04:48:28 PM »
             EZGULIKKA CHORLAYVER, NAVRO‘Z!
Mana, qishning qaxraton kunlari tugab, o‘z o‘rnini fasllar kelinchagi - ko‘klamoyga bo‘shatib berdi. Sharqona yangi yilning boshlanishidan darak beruvchi Navro‘zoy ham o‘lkamizga kirib kelish arafasida turibdi. Xalqimizning bir necha ming yillar davomida shakllanib kelgan milliy solnomasidagi muhim sanalar, bayramlar orasida Navro‘z o‘zida qadimiy urf-odat va ko‘plab an'ana-yu marosimlarimizni o‘zida jamlaganligi bilan alohida e'tiborga ega. Bu bayram insoniy fazilatlar bo‘lmish  mehr-sahovat, totuvlik, hamjihatlikda ish ko‘rish, birgalikda hasharga bel bog‘lash, qariyalar holidan xabar olish kabilarni o‘zida tarannum etishi bilan katta ahamiyat kasb etadi. U yasharish kuni, tabiatning yashnashi, uyg‘onishning boshlanishidan darak beruvchi bayramdir.
 "Navro‘z" so‘zi o‘zbekchaga tarjima qilinganda, "nav"-"yangi", "ro‘z"-"kun", ya'ni "yangi kun"degan ma'noni bildiradi. Tarixiy ma'lumotlarga asoslangan holda shuni aytish mumkinki Navro‘z juda qadimda, zardushtiylik paydo bo‘lishidan oldingi davrlarda shakllangan. Navro‘z haqidagi ma'lumotlar Abu Rayhon Beruniy, Mahmud Qoshg‘ariy, Umar Xayyom, Lutfiy, Navoiy asarlarida bayon etilgan.
Zamaxshariy vatanni bo‘lmish vohamiz Xorazm miloddan oldingi asrlarda Xvayrazam deb yuritilgan ekan. Ko‘p yillik izlanishlar natijasida shunday xulosaga kelinganki, Navro‘z bayrami ilk bor ana shu vohada, ona zaminimizda nishonlangan ekan. Hozirgi kungacha saqlanib kelingan"olov uy"lar buning isbotidir.
Odam Ato va Momo Havo uchrashgan kun Navro‘z deb tan olingan degan afsonalar ham mavjud.
Navro‘z tabiat  qonuni bo‘lmish kun va tunning tenglashishi, kunduzning uzaya borishi bilan bog‘liqdir.
Hech kimga sir emaski, sho‘ro davridagi ma'naviy tahdid milliy bayramimiz-Navro‘zga ham o‘z ta'sirini o‘tkazmasdan qolmadi. Ming yillar davomida saqlanib kelingan bayramimiz yo‘qolib ketish arafasida qolgandi. Ammo mustaqillik yillarida Birinchi Prezidentimiz, dono yo‘lboshchimiz Islom Abdug‘aniyevich Karimov sa'y-harakatlari natijasida ma'naviy boyligimiz hisoblangan ushbu bayramimiz qayta tiklandi. Unga alohida e'tibor qaratildi, millatidan qat'iy nazar butun xalqimiz orasida keng nishonlanadigan Umumxalq bayrami darajasiga ko‘tarildi. Zero, ularning "Yuksak ma'naviyat- yengilmas kuch" asarlarida ta'kidlanganidek " Navro‘z bayrami biz uchun hayot abadiyligi, tabiatning ustuvor qudrati va  sahovatining, ko‘p ming yillik milliy  qiyofamiz, oliyjanob urf-odatlarimizning betakror ifodasidir. "
Birinchi Prezidentimiz ezgu ishlarining chin ma'noda davomchisi bo‘lgan yurtboshimiz Shavkat  Miromonovich ham bu yilgi bayramning nishonlanishiga alohida e'tibor qaratmoqdalar. Ularning qarorlariga asosan bu yilgi bayram umumxalq sayillari shaklida nishonlanadigan, yanada ko‘plab xayriya tadbirlari amalga oshiriladigan bo‘ldi.
Shu kunlarda bayramga tayyorgarlik ko‘rish ishlari avjida. Butun yurtimiz bo‘yicha hashalarning uyushtirilishi, ko‘chalar, mahallalar, shahar-u qishloqlarning obodonlashtirilishi, yangidan ko‘chatlar ekib yurtimizni ko‘kalamzorlashtirishi, keksalar holidan xabar olish va boshqa xayrli ishlar amalga  oshirilishi shular jumlasidandir. Shu kabi savob ishlarda bevosita ishtirok etayotgan biz yoshlar qalbida esa ona Vatanga, milliy urf-odatlarimiz, an'analarimizga bo‘lgan muhabbat hissi yanada ortadi. Qalbimizda ezgu ishlarni qilish istagi jo‘sh uradi. Shunday ekan, bu kabi bayramlarimiz, odat-u udumlarimiz hech qachon yo‘qolmaydi. Yillar to‘zonida zavol topmaydi. Bunday xayrli ishlar hali ko‘p davom etadi.   
                                                                                                                                Bayjonova Zubayda
2
Yosh ijodkor... / Re: Matniyozbek
« Oxirgi javob muallifi Matniyozbek. on March 07, 2017, 11:18:46 AM »
GULIM - PINHONA SEVGIM!

Oshiq bo'ldim bir qizga,
Lek sevgimni aytmadim.
Taqdirimga o'sha qiz
Yozilgan deb o'yladim.
Yuraverdim indamay,
Izhor etmay sevgimni.
Ota-onam unimas,
Olib berar tengimni.
Qo'rqdim ota-onamdan,
Sevgim qoldi pinhona.
Deyolmadim: mening ham
Suyganim bor-ku, ona!
O'tdi yillar indamay,
Aytishga fursat kutdim.
Lekin kecha u haqda,
U haqda bir gap eshitdim...
Uni o'zga yigitga
Fotiha qilibdilar...
Ha, Gulini mengamas,
O'zgaga beribdilar!..
Armon degan shu ekan,
Pinhon sevgim armondur.
Endi seva olmayman,
Endi umrim hijrondur.
Guli, gulim, farishtam,
O'zgasiga yor bo'lding.
Lekin har dam, har lahza
Yuragimda bor bo'lding.
Armonim bo'lding, Guli,
Mening pinhona sevgim!..

00.00 28.02.2017
3
Yosh ijodkor... / Re: Matniyozbek
« Oxirgi javob muallifi Matniyozbek. on March 07, 2017, 11:14:36 AM »
ORZULARDAN  SO`ZLAMA,  YURAK

Orzulardan so'zlama, yurak,
Unut endi orzularingni.
Armonlarga bosh egding axir,
Ko'mib o'lgan tuyg'ularingni.
Hech sog'inma. U kunlar o'tdi,
Endi sira qaytib kelmaydi.
Bevafolar doim bevafo,
Ular sening qadring bilmaydi.
So'zlamagin baxtli kunlardan,
Tirilmaydi tuyg'ular endi.
Sinding axir necha martalab,
Osmondadir orzular endi.
Qo'ling yetmas ularga hech ham,
O'tmish esa ko'ksingdagi dog'.
Qadrdoning - qadrsizingdan
Begonalar ming bor yaxshiroq.
Orzulardan so'zlama, yurak,
Hech sog'inma.
U kunlar o'tdi!

21.02.2017 17:44
4
Yosh ijodkor... / Re: Matniyozbek
« Oxirgi javob muallifi Matniyozbek. on March 07, 2017, 11:14:00 AM »
SEVGI

Inson bir marta sevar,
Qolganlari yolg'ondur.
Yurak bitta bo'lmasa,
Bu qandayin insondur?
Ko'ngil ishidir sevgi,
Ko'ngling - mulki Rahmondur.
Anglagaysan chin sevsang,
Sevgi - asli hijrondur.
Taqdir nasib etmasa,
Yoring vasli armondur.
Unutsang chin sevgingni,
Umr yo'ling vayrondur.
Inson bir marta sevar,
Keyingisi yolg'ondur.
Ko'ngil ishidir sevgi,
Ko'ngling - mulki Rahmondur...

21.02.2017 17:36
5
Yosh ijodkor... / Re: Matniyozbek
« Oxirgi javob muallifi Matniyozbek. on March 07, 2017, 11:13:15 AM »
SEVISHGANLAR  BOG`IDA

Sevishganlar bog'ida,
Lolalar guvohida,
Sayr qildik, jonginam,
Ko'ngilning dargohida.
O'tdi kunlar baxtiyor,
Dardga qilmay e'tibor.
Sevgi - bag'ri qon ekan,
Sevgi - bir his ulug'vor.
Bo'lding umrimga mazmun,
Bo'ldim hayotdan mamnun.
Baxt berib bir yoqimli,
So'ng qo'yding unga yakun.
Ayb sendamu - mendamu,
Sevgi - ilohiy tuyg'u.
Taqdir bizdan so'ramay,
Uni uvol etdi-ku.
Sevishganlar  bog`ida,
Lolalar  guvohida,
Birga  kezdik,  jonginam,
Baxtimiz  dargohida.

14.02.2017 12:56
6
Yosh ijodkor... / Re: Matniyozbek
« Oxirgi javob muallifi Matniyozbek. on March 07, 2017, 11:12:31 AM »
YURAK, OG`RIMA  YOMON

Yurak, og'rima yomon,
Ko'rmagin menga oson.
Beg'ubor kunlarimiz
Endi abadiy armon.
Savol berma alamli,
Bo'l firoqqa chidamli.
Umr shunday qasrdir,
Ichi g'ussa-yu g'amli.
Ko'ngil berma hech kimga,
Ishon faqat o'zingga.
Arzimaydi hech kimsa
Sevdim degan so'zingga.
Bu dunyo asli yolg'on,
Umr - o'tkinchi karvon.
Qismating shunday ekan,
Bo'lmagin bunga hayron.
Sevmoq, sevilmoq - gunoh,
Yolg'izlik - yakka panoh.
Sen gumrohu men gumroh,
Shunday yaratdi Olloh.
Aldamchilar jazodir,
Dardlaring bedavodir.
Kimni suysang, sevgingning
Ko'rar kuni qazodir.
Yurak, og'rima yomon,
Nega og'riysan har on?
Sen ham bir kun o'tasan,
Umr - o'tguvchi karvon.

11.02.2017 10:15
7
ON-LINE muloqotlar / I wanted to thank you.
« Oxirgi javob muallifi Antoshkavat on February 22, 2017, 03:56:29 PM »
good morning!
 
Finest cv and cover letters templates.
 
Download resume templates in Word DOC with high print quality and creative forms, prepare a unique cv and get your dream job position.
 
These docs editable templates created by professionals who know what hiring managers look for.
 
How to start?
 
STEP 1: Idea. Start by putting together the content of your cv. Bring into focus work experience, summary of education, keywords and any other significant information that makes a powerful resume. “How to Write a Great Resume”  will take you through the whole game step by step.
 
STEP 2: Format chronological, functional or combination. Make sure you present your career in the format that highlights your experience, knowledge, and skills the best thinkable way. See  “Choosing a Format” Guide by James Madison University  to decide which format is the best for you.
 
STEP 3: Appearance.  Find the most qualified template to ‘dress up’ your content. This shop has different templates to choose from.
 
Good bye!
8
Yosh ijodkor... / Re: Matniyozbek
« Oxirgi javob muallifi Matniyozbek. on February 17, 2017, 04:08:41 PM »
JAVOB  MUQARRAR

Har bir qilgan ishingning
Muqarrardur javobi.
Bo'yningdadur albatta
Gunohi-yu savobi.
Avvalo o'zinggadur
Rohati-yu azobi.
Shundan erur umringning
Zulmati-yu oftobi.
Yaxshilik qil, yaxshilik,
Shudir ko'ngling xitobi.
Gar unga quloq tutsang,
Go'zal umr kitobi.
Hayot o'rgatar bilim -
To'g'ri yashash odobi.
O'rganmasang agarda,
Zulmatning yo'q adog'i.
Yonsin yuraging ichra
Ezgulikning chirog'i.
Hayotni sevib yasha,
Shudir hayot sabog'i

29.12.2016  22:41
9
Yosh ijodkor... / Re: Matniyozbek
« Oxirgi javob muallifi Matniyozbek. on February 17, 2017, 04:02:21 PM »
YANGI  YIL  YAQINLASHAR

Yangi yil yaqinlashar,
Yurakda yo'q hayajon.
Na bir quvonay deydi,
Na qiladi g'alayon.
Shumikan zerikmoqlik,
Shumi hayotdan bezish?
Menga hech qiziq emas,
Yangi yil, seni kutish.
Berding qancha hijronlar,
Qilding meni yuraksiz.
Kutsam, kutaman faqat
Orzularsiz, tilaksiz.
Sehrli bo'lsang agar,
Qaytar o'sha yillarni.
Baxtga yetaklamading,
Bog'lab qo'yding yo'llarni.
Aytgin menga, yangi yil,
Qani o'sha damlarim?
Sendan boshlanar axir
Oxiri yo'q g'amlarim.

29.12.2016  22:51
10
Yosh ijodkor... / Re: Matniyozbek
« Oxirgi javob muallifi Matniyozbek. on February 17, 2017, 04:00:32 PM »
Hammaga SALOOOOOOOOM!!!
Sahifa: [1] 2 3 ... 10